Youtube дээрх анхны 8К бичлэг

Сүнстэй тосгод хэмээх бичлэг гурван өдрийн өмнө Youtube дээр тавигджээ. Ийнхүү Youtube хэрэглэгчид бүгд 8К нягтрал бүхий бичлэг үзэх боломжтой болсон юм. Хамгийн гол нь танд 8К дэмждэг дэлгэц эсвэл проектор байгаа нөхцөлд шүү дээ.

Хэрвээ танд ийм өндөр нягтралыг харуулж чадах дэлгэц байгаа бол та 7680-ийг харьцах нь 4320 пиксел нягтралтай бичлэгийг үзэж болох нь. Зураглаач Люк Нойманны "6K EPIC DRAGON” камер ашиглан бичсэн энэ бичлэгийг одоогийн байдлаар 300,000 гаруй хүн үзжээ.

Сонирхуулахад Google компани 2010 оноос эхлэн 8К бичлэгийг Youtube дээр дэмждэг болсон ч өнөөдрийг хүртэл хэн ч ийм бичлэг байршуулаагүй аж. Мэдээж хэрэг 8К бичлэг тоглуулахад таны компьютерын хүчин чадал харьцангуй өндөр байх ёстой.

Core i7-4790 CPU-тэй, NVIDIA GeForce GTX 750 Ti график карттай миний компьютер хүртэл бага зэрэг гацаж байж 8К бичлэгийг тоглуулж байна. Өнөөдөр зах зээл дээр 8К бичлэг хийх чадалтай цөөн хэдхэн камер байгаагийн дээр 8К байтугай 4К тоглуулах дэлгэцтэй хүн ч цөөхөн учир нэг бодлын энэ бичлэг ямар ч хэрэггүй зүйл мэт.