|

Дэлхийн III дайн Сирид эхэлчихэв үү

Сири улсад Дэлхийн III дайн болж байгаа мэт та нарт санагдахгүй байна уу? Бодоод үз дээ, Сирид хэдэн улс орон байлдаж байгаа гээч.

АНУ ба түүний холбоотон 60 орон нийлээд "Исламын улс"-ын эсрэг (!) Сирид байлдаж байна.

Орос улс ба түүнтэй эвссэн Ирак, Ираны арми, мөн Сирийн Засгийн газрын армийн эвсэл одоо "Исламын улс"-ын эсрэг энд байлдаж байгаа.

Сирийн "сөрөг хүчин" гэгдэх исламистууд харин Ерөнхийлөгч Башар Асадын эсрэг өөрийн газар нутаг дээрээ тулалдаж байна.

Курдууд мөн л "Исламын улс"-ын эсрэг, бас Сирийн "сөрөг хүчин" гэгчийн эсрэг Сирид эр эмээ үзэлцэж байгаа.

Сирийн "сөрөг хүчин"-ий зарим отряд бие даан "Исламын улс"-ын эсрэг сөрөн зогсч байна.

Сирийн "сөрөг хүчин"-ий хэсэг бүлэг отряд өөр хоорондоо тулалдаж байна.

Харин "Исламын улс" террорист бүлэглэл бүгдийн эсрэг Сирид дайн хийж байгаа.

Сонирхуулахад, Сири улсын Алеппо мужид бүгсэн "Исламын улс"-ын алан хядагчдад агаараас цохилт өгөх үеэр "Аль-Кайда"-гийн толгойлогчийг хамсаатнуудынх нь хамт устгажээ. Саудын Арабын алан хядагч Абдул Малик аль-Жазрауи, Мароккогийн террорист Абу Ясир аль-Магреби, мөн "Аль-Каида" бүлэглэлийн толгойлогчдын нэг Санафи ан-Насрыг устгасан гэж Ираны мэдээллийн агентлаг дамжуулав.

Нэмж өгүүлэхэд, алан хядагчид амиа аврахын тулд элдэв арга саам хэрэглэх болжээ. "Исламын улс"-ын террористууд одоо эмэгтэй болж хувцаслан бүр хөхөвч хүртэл зүүсэн яваад баривчлагдсан байна. Салах-Эд-Дин мужийн ууланд баригдсан алан хядагчдыг ийм хувцастай чигээр нь шорон руу илгээсэн гэнэ.

Сирийн иргэний дайн 2011 оноос хойш өнөөг хүртэл үргэлжилсээр ийнхүү олон улс орон татагдан орлоо. Албан мэдээгээр энэ хугацаанд Сирийн 230 мянга гаруй иргэн амиа алджээ. Мөн 11,5 сая иргэн гэр орноо орхин дүрвэсэн, энэ нь Сири улсын хүн амын бараг тал нь гэсэн үг.




М.Цогзолмаа, www.mnews.mn

 

 

 

 


Амиа золиослогчдыг бэлддэг "Исламын улс"-ын лагерийг оросууд устгаж байгаа нь.

 

 

 

 


Бетон нэвтэлдэг "БЕТАБ-500" бөмбөгөөр оросууд "Исламын улс"-н газар доорх бункерыг бут ниргэжээ.

591
  • Дэлхийн тусгай олимпийн бамбарыг асаасан М.Даваа охины тухай баримтат кино /видео/ Үзсэн   893 2015-08-05
  • Hishigdalai - Une Tsene Үзсэн   30 2019-02-04
  • 5 настай охины хүчиндүүлсэн эсэх тухай аймшигтай түүхийн гэрчүүдийн яриа... Үзсэн   362 2018-06-30
  • Хөвсгөлийн Ламбада /3 сая инээд шоу/ Үзсэн   37 2019-03-18
  • Бүсгүй хүн бүрийн мэдвэл зохих амьдралын 9 ухаан Үзсэн   321 2016-03-23
  • Халуун хайлмаг хормын төдийд автомашиныг ЗАЛГИВ Үзсэн   294 2018-05-08
  • Ихэр хүүхэд хараад ”шоконд” орж буй жаал Үзсэн   762 2014-12-17
  • Хэрхэн сайхан бэлхүүстэй болох вэ Үзсэн   1927 2014-07-17
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.
    Нэр:*
    И-мэйл:
    Сэтгэгдэл:
    Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler