“Манчестер Юнайтед” хожигдлоо

Нэр хүнд, цар хүрээгээрээ Аваргуудын лигийн дараа орох Европа лигийн 1/16 шигшээ тоглолтын эхний тулаанууд өнгөрсөн шөнө боллоо. Энэ улиралд Европа лигт түрүүлж байж Аваргуудын лигийн эрхээ шууд авах зорилготой гэгдээд байгаа Английн алдарт "Манчестер Юнайтед” клуб энэ шатанд Данийн "Мидтьюлланд” клубын талбайд зочлон тоглосон ч 2:1-ээр хожигдлоо.

Гэхдээ үүгээр бүх зүйл дуусчихаагүй байгаа. Харин тоглолт дараагийн долоо хоногт "Манчестер Юнайтед”-ын талбайд болно. Тэгэхэд өрсөлдөгчөө хожиход л хангалттай. Энэ удаагийн тоглолтын 37 дахь минутад Депай гоолдож, тооны харьцааг нээсэн. Гэвч 44 дэх минутад Данийн багаас Систо  тэнцүүлсэн бол 77 дахь минутад Онуачу хожлын гоол оруулжээ.
Эх сурвалж: www.mminfo.mn