|

Амараа 2012VS2016

2012 оны АН-ын сурталчилгаа "Намайг Амараа гэдэг" рекламыг мэдэхгүй хүн бараг байхгүй. Харин өнөөдөр сошиал сувагт Амараа:Би юу хийчих вэ? гэсэн бас нэг реклам цацагджээ. Дөрвөн жилийн өмнөх Амараагийн мөрөөдөл болоод бухимдал, өнөөдрийн Амараагийн мөрөөдөл, бухимдалын хооронд асар их ялгаа байгааг энэ хоёр шторкыг харьцуулаад үзсэн хэн ч шууд л анзаарч болох ажээ. 

 

 

 

2012 онд Амараа юунд бухимдаж байв

...Би ажил хийж мөнгө олдог. Гэхдээ хэрэгцээнд минь хангалттай хүрдэггүй. Цэвэр агаартай цэвэрхэн хотод төрөөсөө хамааралгүй өөрөөрөө амьдрах шударга нийгмийг байгуулна гэж хүмүүс ярьдаг. Гэхдээ агаар нь бохир, авилгалаар дүүрэн, хот маань хогтой, газар нь гадаадуудад зарагдсан улсад би амьдардаг. Бидний өмсдөг дээлийг хятад хувцас гэж цаасан дээр бүртгэсэн гэсэн. Гэхдээ дээл нь яахав, дотор нь байгаа монгол хүнийг бүртгэж чадахгүй. Гүн ухааныг судлаагүй ч, хүн ухаанаа гээгээгүй монгол хүний удам би. Уртын дуунд уярдаг ч рок сонсох дуртай, наадмын барилдаанд хөөрдөг ч хөл бөмбөгт хорхойтой, одоохондоо "чадахгүй" гэсэн айдсыг минь дарж олимпийн аваргууд төрсөнд би баярладаг.

2012 онд Амараа ингэж мөрөөдөж байв

Утаатай, соёлгүй хот гэж харахаасаа илүү, Улаанбаатар миний нутаг гэх залуус олон байдагт би итгэдэг. Багын найзуудын ихэнхи нь гадагшаа гарсан ч би тэднийг эргэж ирээд ихийг бүтээнэ гэдгийг мэдэж байна. Санал худалдаж авах гэсэн луйварчдаас сохор зоос ч горьдохгүй залуус сайхан ирээдүйн төлөө хэдэн зуугаараа нэгдэж, ам зөрвөл гар зөрдгөө больж анд нөхөд ахан дүүс болж байна. Амалсан мөнгөний ард алгаа тосч хүлээх биш, ажлаа хийгээд орлогоо олдог, айх аюулгүй, хүнтэйгээ газартайгаа, хөндөшгүй тэгш эрхтэйгээ хүн шиг амьдарч улс шиг хөгжихийг би хүсч байна. Энэ чинь эзэнтэй, эзэн нь ирээдүйтэй, ирээдүй нь гэрэлтэй орон.

 

 

 

2016 онд Амараагийн бухимдал

Газрын доорхи баялаг бол Арван хэдхэн гэр бүлийн үүц болон хувирчээ

Тавин сая малтай ч Талаас илүү нь банкны барьцаанд

Гурван хүний хоёр нь ядуу Гуйлга гуйсан эдийн засаг

Тендер тойрсон хөрөнгөтөнгүүд Тэтгэвэр горьдсон хөгшчүүл

Тэтгэлэг хүлээсэн оюутнууд Хурал баяр хоёрт байдгаан барж

Худалдаа гэрээ бүрт улсаан наймаалж Хувийн хэвшил үндэсний үйлдвэрүүд элгээрээн хэвтлээ Хуурай газрын ардчилал чи хаана байнаа

Өмнөх үеийн минь амиараан авчирсан тэр ирээдүйг

Өнөө үеийн та бүхэн өрөнд тавиж сүйтэглээ

Гэтлэж барашгүй их өрийн чинь золиосонд

Гишгэх газаргүй мөхчих вийдээ бидний ирээдүй

Цаг өөр болж Цагдаа үнэнийг биш эрх мэдэлтнийг хамгаалдаг болж

2016 онд Амараа мөрөөдөж чадахгүй ердөө л үр хойч үедээн ийм ирээдүй үлдээхээс айж байна.

Т.Улаан

338
  • Аймшгийн кинонд өөрчлөлт хэрэгтэй... аль эсвэл сүнснүүд ажилгүй боллоо Үзсэн   637 2014-08-22
  • Монгол улс ОХУ-тай найрсаг харилцаатай ч армийн бэлтгэлээ базааж байх хэрэгтэй гэв /видео/ Үзсэн   323 2015-09-18
  • 3D зураг зурах аргыг сураарай Үзсэн   3776 2015-06-16
  • ”Kesh You” хамтлаг Казакдаа л 3 охин, Kiwi нь Үзсэн   2026 2014-08-28
  • "Нисдэг таваг"-ууд гэнэт яагаад идэвхжив? Үзсэн   355 2017-04-24
  • Кубын Ерөнхийлөгч Обамад мөрөө алгадуулсангүй Үзсэн   304 2016-03-28
  • Будаггүй эмэгтэй зэвсэггүй цэрэг мэт Үзсэн   299 2016-01-04
  • Gee ice bucket challenge-д нэгдлээ Үзсэн   1508 2014-08-26
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.
    Нэр:*
    И-мэйл:
    Сэтгэгдэл:
    Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler