Озеки Гоэйдо ганцаараа башёг тэргүүлж байна

Японы мэргэжилийн сүмо бөхийн есдүгээр сарын буюу Аки башё ес дэх өдрийн барилдаан болж өндөрлөлөө.

Мэргэжилийн сүмогийн 70 дэх их аварга Харүмафүжи Д.Бямбадорж маэгаширигийн 5-аас барилдаж байгаа Шодайтай барилдаж давлаа. Ингэснээр зургаан даваа гурван унаатай болж байгаа билээ. Тус башёг озеки Гоэйдо тэргүүлж байгаа бол маэгаширигийн 3-аас барилдаж байгаа Оношо, маэгаширигийн 3-аас барилдаж байгаа Чиёотарю, маэгаширигийн 9-аас барилдаж байгаа Таканойва А.Баасандорж, маэгаширигийн 12-аас барилдаж байгаа Дайшомарю нар хоёр унаатайгаар башёг араас нь нэхэж байна.

Өнөөдөр Харүмафүжи Д.Бямбадорж маэгаширигийн 5-аас барилдаж байгаа Такакейшотой барилдана.

Бусад бөхчүүд

Ёкозүна Хакүхо М.Даваажаргал 0-0 гэмтсэн
Ёкозүна Харүмафүжи Д.Бямбадорж 6-3
Ёкозүна Какүрю М.Ананд 0-0 гэмтсэн
Озеки Терүнофүжи Г.Ган-Эрдэнэ 1-5 Гэмтсэн
Комүсүби Тамаваши Б.Мөнх-Оргил 3-6
Маэгашири-6 Ичиножү А.Ичинноров 5-4
Маэгашири-8 Чиёошома Г.Мөнхсайхан 3-6
Маэгашири-9 Таканойва А.Баасандорж 7-2
Маэгашири-9 Араваши Э.Дөлгөөн 6-3