Талбайн голоос гоол оруулав
Хоккейн Континенталь лигийн ээлжит гол тоглолт Москва хотын "Спартак”, "Динамо” багуудын хооронд болжээ. Улаан, цагаанууд 4:2-ын харьцаатайгаар хожил байгуулсан аж. Тус багийн хамгаалагч Андрей Кутейкин төвийн бүсээс өрсөлдөгч багийнхаа хаалгыг мялаажээ. Тоглолтын 55 дахь минутад Кутейкин улаан шугамны бүсээс хүчтэй цохиж, гоолдсон байна.
Түүний оруулсан шайб тоглолтын хувь заяаг шийдвэрлэсэн юм. 34 настай хамгаалагчийн хувьд энэ шайб холын зайнаас оруулсан анхны гоол биш аж. Өнгөрсөн жил тэрбээр улаан шугамнаас цохиж өрсөлдөгчийнхөө хаалгыг гурван удаа мялааж байсан билээ.
