|

Цөмөөхэй Бостон тавилтаар анх удаа тайзнаа

"Монголын балетын хөгжил сан” АНУ-ын Бостон балет компаний найруулгаар аугаа их хөгжмийн зохиолч балетын урлагийг үндэслэгч П.И.Чайковскийн "Цөмөөхэй” бүжгэн жүжгийг Монголын сонгодог урлагын тайзнаа анх удаа тавилаа. Бостон балет компанийн гоцлол бүжигчин МУГЖ Д.Алтанхуягийн найруулан тавьсан энэхүү алдарт бүжгэн жүжигт мэргэжлийн сургуулийн бус 200 гаруй хүүхэд оролцож гол болон тусдах дүрүүдийг бүтээсэн нь монголын бүжгэн жүжгийн түүхэнд анх удаа бичигдсэн онцгой содон шийдэл байсан юм . Монгол Улсын хувьд шинэ жилийн өмнөхөн уламжлал болон тоглодог болсон "Цөмөөхэй” бүжгэн жүжиг энэ жил Бостон балет компанийн Цөмөөхэй бүжгэн жүжгийн тайз гэрэлтүүлэг хувцас хэрэглэлээр өнгө төрхөө иж бүрэн шинэчилсэн бөгөөд Монголын балетын хөгжил сан жил бүр найруулан тавихаар болж байна. Бостоны тавилтаар хөрвүүлэн найруулсан Цөмөөхэй бүжгэн жүжгийг Монголд тавихад 400 гаруй хүн ажилласан бөгөөд АНУ –аас тайз хувцас хэрэглэлийг авчрахаас өгсүүлээд асар их зардал гарчээ. Балетын хөгжлийн сангийн уран бүтээлчид энэ тоглолтоос ашиг харахыг зориогүй сонгодог урлагын ирээдүйн үзэгчдийг бэлтгэхэд зорьсноо хэлж байсан юм. 5 өдөр нийт 7 удаа тоглосон тоглолтонд асрамжийн газрын болон хөгжлийн бэрхшээлтэй хүүхдүүд урилгаар ирж үзсэн юм. Өнгө төрх нь сүр нэмж үзэгчдийг баясгаснаас гадна бүжгийн хөдөлгөөнүүд нь хүртэл Большой театрын тавилтаас өөр байлаа. Тэрчлэн Японы Комаки балетын компаний балетын жүжигчид урилгаар ирж бүжиглэсэн төдийгүй мөн япоын Кбалет компаний гоцлол бүжигчин Батболд, БНСУ-д гоцлол бүжигчнээр ажиллаж байсан Ганбат нар МУГЖ Д.Алтанхуягийн хамт гол дүр бүтээсэн юм.
864
  • Томчуудад зориулсан хүүхэлдэйн кино +18 Үзсэн   20501 2014-11-02
  • Britain's Got Talent 2016 шоуны шилдэг үзүүлбэрүүд Үзсэн   729 2016-06-23
  • ЗҮРХНИЙХЭЭ ҮГИЙГ СОНС /СУРГАМЖИЛТ ӨГҮҮЛЛЭГ/ Үзсэн   618 2017-04-04
  • Uka - Be Cool Үзсэн   254 2018-12-17
  • Startup 09 - Гарааны Бизнес TV Show, Gantushig from MongolRobotics and Citimine Үзсэн   335 2016-11-09
  • Бяцхаан охиноос насан буурал эмгэн болж буй гайхалтай видео Үзсэн   1407 2014-07-28
  • Нүцгэн эмэгтэй хүүхдээ тэврээд сүмд иржээ Үзсэн   1571 2014-11-19
  • B-boy бүжигчид гэж эднийг л хэлнэ дээ Үзсэн   456 2015-11-04
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.