4 настай охин өөр лүү нь чиглүүлсэн сэтгүүлчийн камерыг буу гэж бодоод бууж өгөв /video
Дэлхийг донсолгож байгаа зураг. Энэ зургийг Турк улсад байрладаг Сирийн дүрвэгсдэд зориулсан лагерьт авчээ.
4-хөн настай бяцхан сири охин нэгэн сэтгүүлчийн өөр лүү нь чиглүүлсэн камерыг буу гэж андууран бууж өгөхөөр гараа өргөж байна.
Энэ зураг интернэт хэрэглэгчдийн сэтгэлийг ихэд хөдөлгөж, одоогоор 14 мянга гаруй ретвит хийжээ.
"Энэ үнэхээр эмгэнэлтэй", "Томчууд бид ийм л ертөнцийг өөрсдийн
хүүхдүүдэд зориулж бүтээжээ", "Өөрийн эрхгүй нүдэнд нулимс хураад байна.
Чухам бидний буруугаар манай гараг ийм аймаар болжээ" гэх зэргээр орон
орны хүмүүс энэ зургийн доор сэтгэгдлээ бичсэн байна.
Албан ёсны мэдээгээр 5 жил үргэлжилж байгаа Сирийн дайнд 10 мянга гаруй
хүүхэд амь үрэгджээ. Одоо 5 сая хүүхдэд хүмүүнлэгийн тусламж маш
яаралтай хэрэгтэй байна.
Одоо Йеменд энэ байдал давтагдах шинжтэй. АНУ-ын өдөөн турхиралтаар
Персийн булангийн орнууд нэгдэж өнгөрсөн долоо хоногт Йемен улсыг
байлдааны онгоцоосоо бөмбөгдөж эхэлсэн. Арабын орнууд удахгүй хуурай
замын цэргүүдээ оруулахаар Йемений хил дээр хүчээ бөөгнөрүүлээд байна.
www.mnews.mn
