19 настай америк хүү 1000 хүний аминд хүрэх гэж байжээ

19 настай америк хүү "Лалын улс”-ын төлөө гавьяа байгуулж нэг мянган хүн хөнөөхөөр зэхэж байжээ. Умард Каролина муж улсын Жастин Салливан гэх уг залуу нутаг нэгтнүүдээ биологийн аргаар устгах арга сэдэж байсныг тусгай албаныхан мөрдөн шалгаж тогтоосон байна. Харин түүний сэжигтэй байр байдлыг анзаарсан эцэг нь цагдаагийнханд хандсанаар

Холбооны тагнуулын албаныхан түүнийг нууцаар мөрдөж эхэлсэн бөгөөд үхэлд хүргэх хор шингээсэн хийн тэсрэх бөмбөг ашиглан хүү үнэхээр олон хүний аминд хүрэхээр завдаж байснаар барахгүй эцэг эхээ хөнөөх санаатай байсныг The Daily Mail сонин онцолсон байна. Түүнчлэн тэрээр галт зэвсэгийн үзэсгэлэн худалдаанаас буу худалдан авч, хүн их цугладаг алдартай бааранд концерт тоглох үеэр олон хүний аминд хүрэхээр төлөвлөж байсан аж.

Түүнийг нийгэмд аюултай болохыг нэгэнт тогтоосон учир Холбооны аюулаас хамгаалах албаныхан гэрт нь очиж баривчлахад эсэргүүцэл үзүүлээгүй бөгөөд мөрдөн байцаалтын явцад "Лалын улс”-ыг дэмжидгээ хүлээн зөвшөөрч, нийгмийн харилцааны сүлжээнд тавьсан тэдний ухуулга, сурталчилгааны бичлэгийн нөлөөнд автаж, аймшигт хэрэг үйлдэх гэж байснаа өчжээ. Одоогоор шүүхийн хянан харгалзлага дор байгаа түүнд 40 хүртэлх жил хорьж, 500 мянган долларын торгууль хүлээлгэх шийдвэр гарч магадгүй байгаа аж.