Бээжингийн парадыг шууд дамжуулж байна

Өнөөдөр БНХАУ-д Японы эзлэн түрэмгийллийн эсрэг дайны ялалтын 70 жилийн ой буюу дэлхийн II дайн дууссаны түүхт 70 жилийн ойн баяр тохиож байна.

Үүнтэй холбогдуулан нийслэл Бээжин хотын Тяньанмэний талбайд болох цэргийн парад эхлэхэд цаг хүрэхгүй хугацаа үлдлээ. Цэргийн парад орон нутгийн цагаар 10.00 цагт Улаанбаатарын цагаар 11.00 цагт эхэлсэн бөгөөд 70 минут үргэлжилнэ.

Энэхүү цэргийн парадад 12 мянган цэрэг, 500 орчим хүнд техник, 200 гаруй нисэх тэрэг оролцож байна гэж Синьхуа агентлаг мэдээллээ.

Түүнчлэн Монгол, Афганистан, Беларусь, Лаос, Мексик, Пакистан, Серби, ОХУ зэрэг 17 орны цэрэг эрс Тяньанмэний талбайд жагсах юм. Монголоос 74 цэрэг Бээжингийн талбайд алхана.

Цэргийн жагсаалын үеэр J-15 онгоц, H-6K бөмбөгдөгч, J-20 сөнөөгч онгоц, KJ-500 AEW, Z-10 зэвсэглэсэн нисдэг тэрэг, Y-20 цэргийн тээвэрлэгч онгоц, DF цуврал пуужин, Red Flag-9 зенитийн пуужин зэрэг орчин үеийн цэрэг армийн хэрэгслүүдээ танилцуулна.

Түүхт 70 жилийн ой баярыг тохиолдуулан эдгээр өдрүүдийг Хятад даяар бүх нийтийн амралтын өдөр болгон зарласан байна.

Бээжин хотын төвд хөл хорио тогтоож, тээврийн хэрэгслийн хөдөлгөөнийг хоригложээ. Учир нь баярын өдрүүдэд хотын агаарын бохирдлыг багасгах үүднээс ийнхүү шийдвэр гаргажээ.

Эх сурвалж: Синьхуа