|

Эдийн засгийн өнөөгийн байдал - гарц шийдэлХуурай сүүнээс болж Путин, Назарбаев, Лукашенко гурав "тулалдав"

Үндэсний үйлдвэрлэлээс болж хөрш орнуудын Ерөнхийлөгчид маргалджээ. Өөрсдийн зах зээлээ хамгаалж, эх орныхоо үйлдвэрлэлийг хөгжүүлэхийн төлөө төрийн тэргүүнүүд ингэж л "тулалддаг" юм байна.

Орос, Казахстаны хамтын ажиллагааны XII форумд Ерөнхийлөгчид оролцож, өрнөдийн орнуудын хүнсийг юугаар, яаж орлуулах талаар авч хэлэлцлээ.

Энэ үеэр Казахстан улсын Ерөнхийлөгч Нурсултан Назарбаев "Орос 1,5 сая тонн мах импортолдог. Харин манай Казахстанд жилд 4000 тонн үхрийн мах үйлдвэрлэдэг, бид экологийн цэвэр махны хэмжээгээ нэмэгдүүлэх боломжтой. Энэ салбарт хамтран ажиллая. Казахстан жилд 3000 гаруй тонн үхрийн хөргөсөн махыг нийлүүлж чадна" гэж мэдэгдлээ. Дашрамд дурдахад, манай Монгол нөгөө махаа хурдан нийлүүлж эхлэхгүй бол боломжит зах зээлээ Казахстанд алдаж магадгүй юм биш үү?

Нурсултан Назарбаев дараа нь гэнэт Белоруссыг шүүмжилж гарчээ. "Лукашенко манайд хуурай сүү шахдаг. Хуурай сүүн дээрээ ус нэмээд жинхэнэ сүү гэж зардаг, гэтэл энэ бол натурал сүү биш шүү дээ" гэж Назарбаев хэлэв. 

Харин Оросын Ерөнхийлөгч Путин "Энэ бол сүүн ундаа" гэж түүнд хариулжээ. Назарбаев "Тийм ээ, сүүт ундаа, гэтэл натурал сүүний үнээр зарж байна. Лукашенко энд байсан бол надтай учиргүй маргах байх, ер нь Белоруссын ийм сүүнээс ангижрах ёстой. Тэгэхгүй бол орон нутгийн жинхэнэ сүүг шахан зайлуулж байна" гэж өгүүлэв.

Белоруссын Ерөнхийлөгч Лукашенко маргааш нь Сочийн форум дээр Назарбаевт хариу барилаа. "Бид зах зээлийн нөхцөлд амьдарч байна. Манайхнаас хамгийн дэвшилтэт зах зээлтэй нь Нурсултан Абишевич. Казахстан тийм сүү худалдаж авдаг учраас л бид тийшээ зөөж зардаг. Натурал сүү гэсэн ойлголт байдаггүй. Орос, Белорусс хоёр хоёулаа энэ сүүг хатааж усгүйжүүлдэгийг бүгд мэднэ. Тэгээд сүүний үйлдвэрлэлийн оргил үе унахад ашигладаг. Бид ихэнхдээ энэ сүүг Оросоос худалдаж аваад шингэрүүлдэг. Өөрөөр хэлбэл ус нэмээд сүү болгодог. Хэрэв худалдаж авдаггүй бол бид юу гэж зөөх юм бэ?" гэж Лукашенког хэлмэгц хуралд оролцогчид бүгд хөхрөлдлөө.

Путин "Энэ чинь шар айраг биш шүү дээ. Та яах гэж сүүг шингэлдэг юм бэ?" гэж хошигнов. Харин Лукашенко хошигнолыг ойлгосонгүй бололтой цааш үргэлжлүүлэн "Хэрэв ямар нэг сэдвийг авч хэлэлцэж байгаа бол гүн гүнзгий ухаж, учрыг нь олох хэрэгтэй. Гэтэл энэ Назарбаев ямар нэг сүүн ундаа гээд яриад байхын. Хэрэв тийшээ жүүс нэмбэл ундаа болно шүү дээ. Энэ нь манай Евразийн эдийн засгийн холбоотой огт хамаагүй. Бидэнд илүү ноцтой асуудлууд байгаа" хэмээжээ.

Үүний хариуд Путин "Нурсултан Абишевич таныг хариу өгөх байх гэж тооцоолж байсан, түүндээ ч хүрлээ дээ" гэсхийгээд яриа өндөрлөжээ. 

www.mnews.mn
 
479
  • Тайландын үхэл мэдрүүлэх кафе хүмүүст ухаарал хайрлаж байна Үзсэн   200 2018-03-21
  • Батчулуун - "Тютю" киноны дуу Үзсэн   588 2015-01-06
  • Эцэг эхээс заяасан биедээ мэс бүү хүргээрэй Үзсэн   392 2015-06-23
  • Зэвүүн яриа Prius ны босс киноны гол дүрийн жүжигчин Б Батмаа Үзсэн   954 2017-03-20
  • Дэлхийн хамгийн нялх шумбагч (видео) Үзсэн   288 2016-12-07
  • Маша и Медведь - Дышите! Не дышите! (Masha and the Bear - Hold your breath) Үзсэн   9852 2014-07-15
  • Казахстан улсад охидыг хүчээр булаан авчирч гэрлүүлдэг ёс өнөөг хүртэл оршсоор байна Үзсэн   678 2015-06-12
  • Ноцтой баримт: С.Эрдэнэ доод тушаалтнуудаараа дамжуулан авлига авдаг уу Үзсэн   335 2016-04-27
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.
    Нэр:*
    И-мэйл:
    Сэтгэгдэл:
    Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler