|

Гүрж: Саакашвили улстөрд биш шоронд байх ёстой VIDEO

Гүрж орны экс Ерөнхийлөгч, одоо Украин улсын Одесс мужийн амбан захирагч Михаил Саакашвилийн бас нэгэн нууц илэрлээ. Саакашвили утсаар Гүржийн сөрөг хүчний "Үндэсний нэгдсэн хөдөлгөөн" намын тэргүүн Гига Бокеритэй ярьсан нууц яриа нийтэд цацагджээ.

"Украины Викилис" гэгддэг сайт энэхүү аудио бичлэгийг интернэтэд тавьсан байна. Саакашвили энэ яриандаа Гүржид төрийн эргэлт хийж, Украины "майдан" гэгчийг зохион байгуулахыг Гүржийн сөрөг хүчинд уриалжээ.

Саакашвили "Зэвсэг агссан босогчид Телевизийг эзлэн авч 7 хоног тэсэх ёстой. Гудамжинд бэхлэлт босго, ер нь хүүхэдтэй эхийг хөнөөвөл бүр үнэмшилтэй. Бөөн дуулиан шуугиан дэгдэж, бүгд бичнэ" гэж "Рустави 2" телевизийн ерөнхий захирал Нико Гварамитай ярихдаа зааварлажээ.

Түүнчлэн Саакашвили Гүржийн дуучин Софа Нижарадзетэй ярихдаа "Гүржид цус асгарах болно" гэж байв. Харин одоо дуучин бүсгүй энэ бичлэгийг худлаа хэмээн няцааж байна.

Гүржийн Ерөнхий сайд Ираклий Гарибашвили "Экс Ерөнхийлөгч Саакашвили төрийн эргэлт хийж, хууль ёсны Засгийн газрыг хүчээр түлхэн унагахыг оролдсоныхоо төлөө хуулийн хариуцлага хүлээх ёстой. Соёл иргэншилт, ардчилсан нийгэмд ийм хүн байх ёсгүй. Тэр өөрийн намын гишүүдэд, Телевизийн удирдагчдыг хувьсгал, төрийн эргэлт хийхээр илгээж байсан. Ийм улстөрч, сэтгүүлчид шоронд байх ёстой" гэж мэдэгдлээ.

2015 оны 10-р сарын 24-нд Гүржийн Дотоод хэргийн сайд Леван Изори "Төрийн эргэлт гаргах гэсэн оролдлогыг бут цохисон" гэж мэдээлсэн. Тэгэхээр энэ оролдлогод Саакашвили хамаатай бололтой.

Гүржийн эрх баригчид өнгөрсөн долоо хоногт Саакашвилийн иргэншлийг хүчингүй болгосноо мэдэгдсэн.

Харин Саакашвили "Энд Москвагийн гар оролцсон. Мөн Гүржийн улстөрчид намайг дараагийн сонгуульд оролцоход саад хийж байгаа юм" гэж тайлбарлажээ.
 
1315
  • 1 секундэд 8.6 цохилт хийдэг "Кинг Тугсу" буюу "Хаан Төгсөө"-дөө маргаашын тулаанд нь амжилт хүсэе /Видео/ Үзсэн   1302 2015-03-13
  • 8-н сартай хүүгийн ”авьяас” Америкт шуугиан тарьж байна Үзсэн   1693 2015-06-15
  • Дуучин Г.Дэлгэрцогтын “Үлэмжийн гоо” дууны клип мэндэллээ Үзсэн   580 2019-05-20
  • Монголчууд 1980 онд Олимпийн аваргатай болж байсан бичлэг Үзсэн   1559 2015-09-21
  • Жинхэнэ Timberland гутлыг хуурамчаас нь хэрхэн ялгах вэ? Үзсэн   916 2016-11-28
  • Элбэгдорж ерөнхийлөгч Баттулга гишүүнтэй уулзлаа Үзсэн   6088 2014-07-15
  • USA for Africa - We Are The World ( Original Music Video 1985 ) HD / HQ Үзсэн   1917 2014-07-20
  • Ямар сонирхолтой гое бичлэг вэ Үзсэн   1011 2015-09-11
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.