|

О.Ганбат, Л.Эрдэнчимэг, Г.Баярсайхан нарт хариуцлага тооцуулъя

2016 он сонгуулийн жил. Тэр ч утгаараа УИХ-ын гишүүдийн чих зөөлөрч, гэнэт олон ажлуудыг хийдэг. Хэдхэн хоногийн дараа 2016 он гарах гэж байгаа болохоор УИХ-ын гишүүд тойрогтоо ажиллаж байгаа нэрээр битон, нэгж, нүүрс тараагаад эхэлсэн байна.

Тодруулбал УИХ-ын гишүүн О.Ганбат битон будаа, Л.Эрдэнэчимэг нэг, Г.Баярсайхан нүүрс тарааж байна. Хамгийн сүүлд л гэхэд Г.Баярсайхан "50-н тор”-оор нүүрс тараав.

 

 

 

Тэднээс гадна УИХ-ын гишүүн болохыг хүсэгчид сжрталчилгаагаа эхлүүлээд байна. Тухайлбал Л.Гүндалай Ард түмнээ хайрлая намынхаа мөрийн хөтөлбөрийг тайлбарласан сурталчилгаа зурагтаар гарч байсан. О.Магнай хувцас тарааж байгаа сурталчилгаа мөн л цахим ертөнцөөр тарсан.

Уг нь сонгуулийн сурталчилгааг хуулийн дагуу санал хураалтаас 45 хоногийн өмнөөс албан ёсоор эхэлдэг. Тэгтэл УИХ-ын гишүүд нь гишүүн болохыг хүсэгчидтэйгээ хамт сонгуулийн сурталчилгаа эхлүүлсэн нь Сонгуулийн тухай хууль болон Эрүүгийн хуулийг зөрчиж байгаа юм. Тодруулбал Монгол улсын Сонгуулийн тухай хуулийн

35.1 Нам, эвсэл, нэр дэвшигч нь сонгуулийн сурталчилгаагаа энэ хуулийн 29.12, 29.13-т заасны дагуу нэр дэвшигч бүртгүүлж, үнэмлэх авсан өдрөөс эхлүүлнэ.

35.15.1 сонгогчид мөнгө, эд бараа төлбөргүй тараах, хөнгөлөлттэй үнээр худалдах, аливаа үйлчилгээ төлбөргүйгээр болон хөнгөлөлттэйгээр үзүүлэх, төлбөрт таавар, бооцоот, мөрийтэй тоглоом зохион байгуулахыг хориглоно гэж заасныг зөрчсөн.

Мөн Эрүүгийн хуулийн 1301 дүгээр зүйл.Сонгууль болон ард нийтийн санал асуулгад хууль бусаар илүү санал өгөх гэсэ заалтыг зөрчсөн байдаг. Тодруулбал Эрүүгийн хуулийн 1301.1.Монгол Улсын Ерөнхийлөгчийн болон Улсын Их Хурал, Орон нутгийн Хурлын сонгууль, ард нийтийн санал асуулгад оролцох үед санал хураалтын дүнд хууль бусаар нөлөөлөх, будлиантуулах зорилгоор саналын хуудас ашиглан нэгээс илүү удаа санал өгсөн, эсхүл нэгээс илүү удаа санал өгөхийг санаатайгаар зохион байгуулсан бол гурваас дээш зургаан сар хүртэл хугацаагаар баривчлах ял шийтгэнэ гэж заасан байдаг.

Хэдийгээр сонгогдсон тойрогтоо ажиллаж байгаа мэт харагдаж байгаа ч агуулга нь сонгуулийн сурталчилгаа, сонгогчдын сэтгэл зүйд нөлөөлөх, эд материалаар өөртөө татах гэсэн обектив шинжийг агуулж байгаа юм.

Тиймээс сонгуулийн сурталчилгааг цагт нь эхлүүлэхэд хуулийн байгууллагууд нь анхаарна биз ээ...

А.Баярмаа

dorgio.mn

1769
  • “Хү” хамтлагийн “This is Mongol” дууг шилдгээр онцолжээ Үзсэн   842 2022-05-26
  • Монгол Rihanna-г бусад орныхтой харьцуулбал Үзсэн   1111 2016-06-15
  • Шүршүүрт орж байна гэтэл... Хаха Үзсэн   775 2019-04-11
  • Арго багшийн эрх баригчдад зориулсан шинэ дуу Үзсэн   1315 2016-04-21
  • Чингис хаан нисэх онгоцны буудал Эболагийн шалгалтад "бүдрэв" Үзсэн   1394 2014-10-31
  • Digital хамтлаг "Галзуу ганц" Үзсэн   1306 2016-04-13
  • Анхны болзоо/Blind date short mongolian movie Үзсэн   2676 2014-07-17
  • Инээд халддагаа гэж хаха Үзсэн   1269 2015-07-29
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.