Аки башё: Хакүхо аварга тэнцвэрийн гайхамшиг үзүүлэв
Мэргэжлийн сүмогийн есдүгээр сарын тэмцээн буюу Аки башёгийн тавдахь өдрийн барилдаан өндөрлөлөө. Эхний таван өдрийн дараах байдлаар гурван аварга таван даваатай 100 хувийн амжилт үзүүлж ойрын хэдэн жил байгаагүй амжилт гаргаж байна. Мөн гурван озеки болон сэкиваке Митакеуми нар башёг ширүүн өрсөлдөөнтэй болгох төлөвтэй.
Ёкозүна Хакүхогийн Такакейшотой барилдсан барилдаан үзэгчдийг шуугиулав. Комүсүби Такакейшо шидсэн мэх хийж Их аваргыг зайлж үзсэн боловч Хакүхо аварга гайхалтай тэнцвэрээ олж, Такакейшог дахиад ухас хийхэд нь хажуу тийшээ үсрэв. Такакейшо аваргыг барьж авах гэсэн боловч амжсангүй, хөлд нь чирэгдэн уналаа.
71 дэх ёкозүна Какүрюү Чиёотайрюүгаар ээлжит даваагаа авсан бол Япон ёкозүна Кисеносато Шодайг туршлагаар илт илүүрхэн давлаа. Кисеносато аваргын өдөр болгоны барилдаан үзэгчдийн анхааралд байж, тэрбээр ч сэтгэл догдлуусан барилдаануудыг хийэ байгаа юм.
Озеки цолтонуудаас гүрж бөх Точиношин сэкиваке Митакеүми нарын барилдаан олны анхааралд байсан. Хоёулаа башёд түрүү авч байсан болохоор үзэгчид болон мэргэжилтэнүүд анхаарах нь зүйн хэрэг бөгөөд Митакеүми өөртөө тун итгэлтэй байн, ёрикири мэхээр тавдахь даваагаа авсан. Митакеүми маргааш озеки Гойёдотой барилдана.
Озеки Гойёдогийн өрсөлдөгч гэмтлийн улмаас дэвжээнд гараагүй бол озеки Такаясү Икиойг давсан байна. Өнөөдөр Ичиножо А.Ичинноров Тамаваши Б.Мөнх-Оргил нар хоорондоо барилдаж Ичиножогийн давамгайллаар өндөрлөсөн.
Маэгашира цолтой манай хоёр бөх өнөөдөр мөн хоорондоо хүч үзэж Таканоива А.Баасандорж Чиёошома Г.Мөнхсайханг давсан байна. Жюүрёо зиндааны нэгт эрэмбэтэй Араваши .Дөлгөөн өнөөдөр макүүчид барилдаж Ишиураг давжээ.
Сэкивакэ Ичиножо А.Ичинноров /2-3/ - Такакейшо /1-4/
