Орчуулагч чихэвч ирэх онд худалдаанд гарна
Мянга сонсохоор нэг үз гэдэг үг дэлхий ертөнцөөр аялах тэр сэдлийг өгч байдаг. Өнөөдөр аль ч улс оронд очсон нэг бэрхшээлтэй тулгардаг нь хэл юм. Тухайн очих гэж байгаа улс орныхоо талаар илүү дэлгэрэнгүй мэдэхийн тулд тус улсын иргэдтэй чөлөөтэй ярилцах нь чухал ч гэлээ, хэлийг нь сурна гэдэгт цаг хугацаа их шаардагддаг. Гэхдээ одоо бол технологийн өндөр дэвшлийн ачаар энэ асуудлыг амархан шийдэх боломжтой. Энэ бол орчуулагч чихэвч "WT-2” юм. Энэ ухаалаг бяцхан төхөөрөмж ирэх оны 1-ээр сараас худалдаанд гарч эхлэхээр болжээ.
Өнгөрсөн жил АНУ-ын Калифорни мужийн Пасадена хотод төвтэй "Timekettle” стартапBluetooth чихэвчийг синхрон орчуулагч болгон хөгжүүлсэн анхны хувилбараа танилцуулж байсан. Тухайн үед гайхалтай санагдаж байсан ч хөгжүүлэгчид нь түүнийгээ зөвхөн энэ ухаалаг системийн нэгээхэн хэсэг нь л байсан гэжээ. Харин одоо улам сайжруулж хоёр дахь хувилбараа танилцуулаад байна. Энэ нь ухаалаг гар утасны тусгай апп болон Bluetooth чихэвчний 300 ампер цагийн багтаамжтай цэнэглэгч батарейтай болсон юм. Чихэвчнийбатарей нь дангаараа бүрэн цэнэгээрээ 2 цагийн турш ажиллана. Орчуулагч чихэвчээ ухаалаг гар утастайгаа хослуулан ашиглах апп илүү олон боломжийг болгосон байна.
Аль ч улсын иргэнтэй шууд өөрийн хэлээрээ ярилцаж тэр боломж. Бүхий л хэл дээр түргэн шуурхай, үг үсэг болон утгын алдаагүй орчуулга хийж чаддаг. Хамгийн хурдандаа л гэхэд хэлж дууссан үгний дараа 3 сек хугацаанд орчуулгыг нь гаргадаг. WT-2 орчуулагч чихэвч орчуулгын 3 төрлийн горимд ажиллана.
Үүнд: хэвийн автомат орчуулга, хурдан ярианы асуулт болон хариултын орчуулга, Ask – буюу чимээ шуугиантай орчинд ярьсан ярианы орчуулга гэх мэт. Хамгийн гол анхаарал татсан шинэлэг боломж бол харилцах гэж байгаа хүнтэйгээ өөд өөдөөсөө харж зогсон ямар нэгэн гар хөлийн нэмэлт хөдөлгөөн хийлгүйгээр чөлөөтэй ярилцах, тухайн яриаг орчуулж чадах боломж юм. Энэхүү Bluetooth чихэвч /англи, франц, герман, хятад болон япон хэлнээс шууд синхрон орчуулга хийдэг. Мөн орчуулсан үгээ дуут хоолойгоор сонсгохоос гадна текстэн хэлбэрт ч шилжүүлэн гаргадаг. Хөгжүүлэгч компанийн талаас мэдээлснээр тун удахгүй энэ чихэвчдээ, Араб, Португали, Тайланд зэрэг бусад улс орны хэлийг суулгахаар туршиж байгаагаа онцолжээ.