|

Хацү башё: Хакүхо аварга "Эргэлтийн гайхамшиг" мэдрүүлж, Кисеносато хүнд байдалд орлоо

 

 

Японы мэргэжлийн сүмо бөхийн Хацү башё буюу нэгдүгээр сарын башё хоёрдахь өдрөө үргэлжлэн явагдлаа. 

Гурван аварга гурвуулаа зодоглож буй энэ башё эхнээсээ дуулиан дагуулж эхэлж байна. Их аварга Хакүхо М.Даваажаргал өнөөдөр "Эргэлтийн гайхамшиг"-ийг мэдрүүлэв. Хакүхо дэвжээний захад ганцхан эргээд л өрсөлдөгч Точиозаныг өөрийг нь дэвжээнээс гаргав. Хоёр бөхийн барилдаан ширүүн өрнөж Точизан Их аваргыг дэвжээ рүү шахаж гаргасан ч Хакүхо ганцхан эргээд л өөрийг нь гаргасан юм. 

Тэгвэл ёкозүна Какүрюү М.Ананд, Кисэносато нар өрсөлдөгч бөхчүүддээ уналаа. Ялангуяа япон аварга Кисеносато аварга өнөөдөр Ичиножод унасанаар зодог тайлах асуудал нь бараг шийдэгдэх тал руугаа оров бололтой. Тэрбээр гэмтэлтэй хэмээн башёг өнжих ч эрхгүй байгаа билээ. Какүрюү М.Ананд аварга өнөөдөр комүсүби Митакеумид уналаа. 

Мөн гурван озеки маш муу барилдаж байна. Озеки Гойёдо, Точиношин нар өнөөдөр мөн л өрсөлдөгч бөхчүүддээ уналаа. Гойёдо Хокүтофүжид, Точиношин Нишигикид өвдөг шороодсон бол Такаясү өнөөдөр хүнд барилдааны эцэст Мёогирюүг давлаа. 

Сэкиваке цолтой хоёр бөх Тамаваши болон Такакейшо нар эхний хоёр өдөр өрсөлдөгчөө даван башёг амжилттай эхлүүлж байна. Тамаваши Б.Мөнх-Оргил Шодайг давсан бол Такакейшо Шохозаныг давсан байна. Хоёр комүсүби Ичиножо А.Ичинноров эхний хоёр өдөр Такаясү, аварга Кисеносато нарыг давсан бол Митакеуми аварга Кисеносато болон Какүрюү нарыг давсан байна.

Манай бөх маэгашира Чиёошима өнөөдөр Дайшёомарүгаар эхний даваагаа авчээ. 

Ёкозүна 
Хакүхо М.Даваажаргал 2-0
Какүрюү М.Ананд 1-1
Кисеносато 0-2
Озеки
Гойёдо 0-2
Такаясү 1-1
Точиношин 0-2
Сэкиваке 
Тамаваши 2-0
Такакейшо 2-0
Комүсүби
Митакеуми 2-0
Ичиножо А.Ичинноров 2-0
Маэгашира
Чиёошома Г.Мөнхсайхан 1-1

Жюүрёо зиндаа
Дайшохо Ч.Шижирбаяр 1-1
Азамарюү С.Тодбилэг 1-1
Миторюү Б.Төрболд 1-1
Араваши Э.Дөлгөөн 1-1
Кёкүшюүхо Т.Эрдэнэбаатар 1-1



838
  • (solongos helnii anhan shat hicheel) Korean Language for Mongolian 1 Үзсэн   4355 2014-07-17
  • МУГЖ Ж. Алтанцэцэгийн “Чинийхээ хайранд жаргая” дууны клип цацагдаж эхэллээ Үзсэн   858 2018-10-19
  • Амбий ба Захиалгат Инээд Виз Үзсэн   2358 2014-07-15
  • Хятадууд “Форд”-ыг хамгийн үнэтэй жийп болгожээ Үзсэн   1130 2018-03-26
  • ust For Laughs Gags Ultra Best Off Video Үзсэн   4147 2014-07-19
  • Wolarsen show №3 Engiin&Ereeper Ganaa Үзсэн   1186 2019-08-16
  • Махлаг бүсгүйчүүдийг магтан үглэсэн рэппэр Khari Үзсэн   1099 2016-01-07
  • "Сайн уу? Сайнаа" ток шоу С.Сарантуяа Монгол Улсын Ардын Жүжигчин Үзсэн   5702 2014-07-18
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.